Jơnum khua mua pơprong ASEAN -Australia tal 3 pok pơhai akŏ bruă mă 2020-2024. Amăng thun 2022, abih tih rơnoh sĭ mơdrô dua bơnah truh 101 klai đôlar Mi, amăng anun FDI mơng Australia ba nao pơ kual ASEAN rơbêh 2 klai đôlar Mi. Khua dêh čar Australia ơi Anthony Albanese pơsit tong kual ASEAN, ƀuăn pok pơhai hơdră ngă hrŏm bơwih ƀong huă kual Đông Nam Á truh thun 2040, pơtrut tơlơi rô nao rai ngă hrŏm djop mơta kơplah wah ASEAN-Australia.

Amăng jơnum khua mua pơprong ASEAN-Sang gum hơbit djop dêh čar tal 13, djop bơnah pơlăi nao rai tơlơi anăp nao hăng tơlơi ƀuăn lăng yôm djop bơnah, luă gŭ tơlơi phiăn, kơtưn gum hrŏm bong glăi tơlơi lông amăng rŏng lŏn tơnah. Khua čih pioh sang gum hơbit djop dêh čar ơi Antonio Guterres lăi pơtong, Sang gum hơbit djop dêh čar kiăng mut hrŏm hơdôm hơdră djop bơnah kar hăng ASEAN, hăng rơkâo pơtrut kơtang ngă hrŏm dua bơnah lơm ngă tui hơnong pơkă pơđĭ kyar hơđong kjăp, amăng anun hơmâo ngă tui pơplih mă yua apui lơtrik, pơtô pơjuăt phrâo, ia jrao, bruă mă, wai pơgang djop mơta ria mơnong, wai lăng ayuh hyiăng pơplih sat…Pơsit tong Việt Nam lĕ ding kơna yôm mơng kual ASEAN hăng sang gum hơbit djop dêh čar, Khua dêh čar lăi pơtong Việt Nam amra ƀu pơdơi gir run hăng tơlơi gơgrong hloh, pơgôp brơi kơ bruă hrŏm mơng Sang gum hơbit djop dêh čar, kơtưn mut hrŏm hơdôm bruă wai pơgang rơnuk rơnua, laih dong gir run pơgiong bruă jar kmar jao.

Gah rơngiao mông jơnum, lơ 7/9, Khua dêh čar ơi Phạm Minh Chính hơmâo mông bưp Khua dêh čar Australia ơi Anthony Albanese hăng Khua khul khua mua Nga, Khua ding jum pơtom hiăp Sergei Lavrov.

Čơtlăm lơ 7/9/2023, Khua mua hơdôm bôh dêh čar kual ASEAN hăng bơnah gum hrŏm hmâo nao pơhmư̆ mông ngă Lơphet pơđut Jơnum gưl dlông ASEAN tal 43 hăng hơdôm bruă Jơnum gưl dlông bơdjơ̆ nao hăng ngă Lơphet jao glăi Khua kual ASEAN mơng dêh čar Indonesia kơ dêh čar Lao. Amăng tơlơi pơhiăp gơgrong bruă Khua ASEAN amăng thun 2024, Khua dêh čar Lao Sonexay Siphandone sit nik lăi pơthâo tŏng Anăn mơng Thun ASEAN 2024 lĕ “Pơtrut tô nao rai hăng gơgrong pô”, lăi pơthâo hơdôm tơlơi phun, đing nao hlâo kơ hơkrŭ đĭ pran gum hrŏm, pơlir hơbit hăng bruă phun mơng ASEAN, pơtrut pơdŏng Khul tô nao rai hluh gah, gơgrong pô, kơjăp phik hăng juăt hăng ƀơi anăp hơdôm tơlơi lông, pơplih tañ, glêh tơnap amăng kual.

Tơdơi kơ 3 hrơi mă bruă tañ hăng klă, Jơnum gưl dlông ASEAN tal 43 hăng hơdôm bruă Jơnum gưl dlông bơdjơ̆ nao truh kih klă hiam laih. Mơmot lơ 7/9/2023, Khua dêh čar ta ơi Phạm Minh Chính hrŏm hăng grŭp Khua pơ ala kơ Việt Nam hmâo pơpĕ laih mơng Indonesia glăi pơ̆ dêh čar, pơđut truh kih tal nao pơhmư̆ Jơnum gưl dlông ASEAN tal 43 hăng hơdôm bruă Jơnum gưl dlông ASEAN tal 43 hăng hơdôm bruă Jơnum gưl dlông bơdjơ̆ nao./.