Khua git gai Ping gah dêh čar ơi Tô Lâm git gai hăng đĭ pơhiăp pơđut mông jơnum. Khua git gai Ping gah lăi rơđah, Khul apăn bruă Ping gah hơmâo pơčrông sai rơđah rơđông hăng bơtŭ ư hrŏm mă yua črăn hră lăi pơthâo mơng Khul apăn bruă gơnong glông tal XIII kơ hơdôm hră pơ-ar mơ-it nao Jơnum tal XIV mơng Ping gah. Gơnong glông pơsit rơwang ngă hơkrŭ phrâo, kiăng đing nao ngă tui 3 tơhnal pơkă phun, anun lĕ pơtrut kơtang hloh amăng tơhnal pơkă pơđĭ kyar, pơtrut kah gưl, jao bruă, pơtrut kơtang amăng yua boht thâo ia rơgơi, pơplih pơčeh phrâo, pơplih mrô; đing nao pơplih pơkra, hrưn đĭ klă tui mơnuih mă bruă, pơplih kơtang bruă ruah mơnuih apăn bruă; tŏ tui pơgiong ha amăng plĕ hăng pơtrut kơtang amăng man pơdong anih anom bơwih ƀong huă-mơnuih mơnam.

Khul apăn bruă gơnong glông hơmâo bơtŭ ư tŭ yap mă ngă tui hră lăi pơthâo kơ bruă ruah mơnuih apăn bruă kiăng mơ-it Jơnum tal XIV mơng Ping gah; laih dong pơčrông sai tong ten boh tơhnal kơ bruă prap lui kiăng pơphun truh kih jơnum tal XIV mơng Ping gah.