Đĭ pơhiăp amăng mông jơnum, Khua git gai pơ ala mơnuih ƀon sang dêh čar ơi Vương Đình Huệ lăi pơtong, tŏ tui hăng ngă truh kih mơng Jơnum lok 6 Khul apăn bruă Ping gah tal XIII, Khua pơ ala mơnuih ƀon sang lêng pơdah pran gơgrong, đing nao pơsir hĭ hơdôm bruă pơprong, yôm phun hăng hơmâo lu tơlơi tŭ ư hrŏm.

Amăng mông jơnum anai, Khua pơ ala mơnuih ƀon sang tŭ yap 6 tơlơi phiăn, 3 tơlơi pơtrun hơmâo lu tơlơi pơkă djơ̆ tơlơi phiăn, pơgôp hiăp tal 2 črăn tơlơi phiăn khăm, pơjrao (čih pơkra glăi); pơčrông sai tal blung a tơlơi phiăn lŏn mơnai (čih pơkra glăi) hăng 6 črăn tơlơi phiăn pơkŏn. Tơdơi kơ mông jơnum, Khua git gai pơ ala mơnuih ƀon sang dêh čar rơkâo ƀing khua mua tañ bưp mơnuih ƀon sang kiăng lăi pơthâo boh tơhnal mơng jơnum anai, kiăng pơlir kjăp, đing tơngia hmư̆, hơmâo tơlơi pơgôp tơpă djơ̆ hăng tơlơi kiăng mơng mơnuih ƀon sang, krăo lăng bruă pơsir hĭ hơdôm tơlơi rơkâo, ƀom kiơng mơng mơnuih ƀon sang.