Mơguah lơ 17/10, Jơnum min apăn bruă phun pơ ala mơnuih ƀôn sang dêh čar pơgôp hiăp kơ bruă prăp jơnum lok 6, khua mua pơ ala mơnuih ƀôn sang dêh čar tal 15. Khua čih pioh, khua sang bruă pơ ala mơnuih ƀôn sang mơnuih ƀôn sang dêh čar ơi Bùi Văn Cường brơi thâo, him lăng amăng hơdôm hrơi mă bruă 22 hrơi, pok pơhai jơnum amăng lơ 23/10 laih anun pơđut amăng lơ 29/11. Ƀing pơ ala mơnuih ƀôn sang dêh čar amra pơtum mă bruă ƀơi sang jơnum prong khua pơ ala mơnuih ƀôn sang dêh čar pơpha jing dua wơ̆t jơnum tal anai.

Pơđut jơnum lok 27, Khua git gai pơ ala mơnuih ƀôn sang dêh čar ơi Vương Đình Huệ lăi, truh mông anai djop bruă prăp lui kơ jơnum lok 6 ngă giong laih, kơnong tơguan truh hrơi jơnum lok đôč. Khua git gai pơ ala mơnuih ƀôn sang dêh čar rơkâo djop sang bruă pơdjơ̆ nao, khom čih pơkra tañ hră pơar prăp lui kơ mông jơnum, mơ-it kơ abih bang ƀing pơ ala. Laih dơ̆ng, prăp lui djop, tong ten anŏ gêh găl, pơhlôm hơđong, amăng anun đing nao kơ bruă pôr tơlơi pơhing, ngă gêh găl djop mơta gơnam yua, pơgang hơđong, rơnuk rơnua pioh bơwih brơi klă jơnum lok pơ anăp anai tŭ yua.