Ngă tui Jơlan hơdră mă bruă abih bang tal, Jơnum tal 10 Grŭp mă bruă Ping gah dêh čar ta tal 13 jơnum mơ̆ng lơ 18/9 truh lơ 20/9/2024 ƀơi plơi prong jưh jom Hà Nội. Jơnum tal 10 Grŭp mă bruă Ping gah dêh čar tal 13 hmâo bơkơtuai, gum pơhiăp hơdôm bôh yôm; Hră čih pơkra Tơlơi čih lăi pơthâo glăi bruă kơđi čar mơ̆ng Grŭp mă bruă Ping gah dêh čar tal 13; Hră čih lăi pơthâo glăi Klah čun sa dua mơta tơlơi pơblang hăng bôh nik kơ bruă pơplih phrâo tui tơlơi pơkă mơnuih mơnam dưm kơnar amăng 40 thun rơgao ƀơi dêh čar Việt Nam; Hră čih lăi pơthâo mơ̆ng Grŭp mă bruă Ping gah dêh čar tal 13 kơ klah čun bruă pơdŏng pơjing Ping gah hăng ngă tui Mơta tơlơi pơkă Ping gah; Hră čih lăi pơthâo glăi pơsit 5 thun ngă tui bruă pơđĭ kyar bơwih ƀong – mơnuih mơnam 10 thun 2021-2030; Jơlan gah, bruă pơđĭ kyar bơwih ƀong – mơnuih mơnam 10 thun 2021-2030; Jơlan gah, bruă pơđĭ kyar bơwih ƀong – mơnuih mơnam 5 thun 2026-2030; Lăi pơthâo glăi klah čun ngă tui tơlơi pơkă ruah khua amăng Ping gah mă yua tom Tơlơi pơsit mrô 244 mơ̆ng Ping gah dêh čar, lơ 9/6/2014 mơ̆ng Grŭp mă bruă Ping gah dêh čar tal 11 hăng hră čih pơkra pơplih, pơhrua nao Tơlơi pơkă ruah khua amăng Ping gah, Hră čih Klah čun bruă mơnuih amăng bruă amăng Grŭp mă bruă Ping gah dêh čar tal 13 hăng Jơlan gah bruă ruah mơnuih mă bruă gah Grŭp mă bruă Ping gah dêh čar tal 14; Lăi pơthâo tơlơi pơkă Ding jum kơđi čar, Grŭp git gai Ping gah tal 14, rơwang bruă 2026-2031; pơhrua nao tơlơi pơkă Grŭp mă bruă Ping gah dêh čar tal 14, rơwang bruă 2026-2031; Lăp pơthâo tơlơi ngă tui Kơčăo bruă pơđĭ kyar bơwih ƀong – mơnuih mơnam thun 2024, pơkă hlâo Kơčăo bruă pơđĭ kyar bơwih ƀong – mơnuih mơnam thun 2025; Lăi pơthâo glăi tơlơi pơsit bruă ngă tui ngăn drăp kơnuk kơna thun 2024, pơkă hlâo ngăn drăp kơnuk kơna mă yua thun 2025; Kơčăo bruă prăk kak – ngăn drăp kơnuk kơna 3 thun dêh čar 2025-2027; hơdră pơtrun tuh pơplai abih bang Rơwang bruă jơlan rơdêh treng đuăi hmar Kơdư – Dơnung dêh čar; Hơdră pơtrun pơdŏng ƀôn prong Huế gah dêh čar; ruah pơhrua nao Ding kơna Jơnum min pel ĕp bruă Ping gah dêh čar tal 13 hăng sa dua bôh yôm phăn pơkon.

            Khua git gai Ping gah, Khua mir sir dêh čar ta ơi Tô Lâm git gai hăng hmâo tơlơi pơhiăp yôm phăn pok phun, pơđut mông Jơnum./.