Mơguah anai (13/5), Jơnum ruah khua jơnum min djŏp djuai ania mơnuih mơnam Việt Nam tal XI, rơwang bruă 2026-2031 jơnum pơđut laih. Mông Jơnum hơmâo anăn “Gum pơgôp - Dưi ngă pô - Pơplih phrâo - Thâo pơčeh - Đĭ kyar” hơmâo pơčrông sai, pơtŏng rơđah lăp djơ̆, abih bang tơlơi hơdip mơda mơnuih ƀôn sang hăng khul gum pơgôp djuai ania; boh than ngă tui tơlơi pơtrun, jơlan hơdră ngă bruă mơ̆ng Jơnum min djŏp djuai ania mơnuih mơnam Việt Nam tal X, rơwang thun 2024-2026, pơsit hrŏm jơlan ngă bruă, tơlơi gơñăm, Jơlan hơdră ngă bruă mơ̆ng Jơnum min djŏp djuai ania mơnuih mơnam Việt Nam thun 2026-2031; čih pơkra glăi, pơhrua tui Črăn tơlơi pơkă mơ̆ng Jơnum min djŏp djuai ania mơnuih mơnam Việt Nam; jơnum pơčrông sai ruah khua amăng Jơnum min djŏp djuai ania mơnuih mơnam Việt Nam gơnong dlông, Khul khua git gai, Khul apăn bruă, ƀing khua mơ̆ng Jơnum min djŏp djuai ania mơnuih mơnam Việt Nam rơwang thun 2026-2031.

Mông jơnum hơmâo pơčrông sai ruah tơbiă 397 čô mơnuih ngă bruă amăng Jơnum min djŏp djuai ania mơnuih mơnam Việt Nam gơnong dlông tal XI, rơwang thun 2026-2031 (kơƀah 8 čô, amra hơmâo pơhrua tui amăng rơwang bruă lơ̆m hơmâo mơnuih čih ruah). Amăng anun khua mua hơmâo ruah glăi lĕ 309 čô (77,8%), ƀing khua phrâo lĕ 88 čô mơnuih (mrô pơkă 22,2%). Tơdơi kơ pơčrông sai ruah khua amăng Jơnum min djŏp djuai ania mơnuih mơnam Việt Nam gơnong dlông tal XI, rơwang thun 2026-2031, Jơnum min djŏp djuai ania mơnuih mơnam Việt Nam tal XI hơmâo jơnum lok 1. Tui hăng jơlan hơdră, ƀơi hrơi jơnum pơđut, Khul khua jơnum min lăi pơthâo glăi boh than hơmâo ngă mơ̆ng mông Jơnum Jơnum min djŏp djuai ania mơnuih mơnam Việt Nam tal XI laih anun ba pơƀuh ƀing khua amăng Khul khua jơnum min djŏp djuai ania mơnuih mơnam Việt Nam tal XI./.