Amăng mrô anai, hơmâo 3 čô mơnuih rơka kơtang hloh hơmâo breh pơjrao ƀơi sang ia jrao prong tơring čar Kon Tum, hơmâo ba nao pơ ƀôn prong Hồ Chí Minh hăng tŏ tui pơjrao brơi. Bruă pơgiăng nao mơnuih mơnuih rơka lĕ tui tơlơi rơkâo mơng sang anŏ hăng khua mua anom bruă wai lăng sĭ mơdrô ƀôn prong Hồ Chí Minh.

Hlâo anun, tlam lơ 13/4, rơdêh pơgiăng ƀing mơnuih hyu čuă lăng mơng anom bruă wai lăng sĭ mơdrô ƀôn prong Hồ Chí Minh hơmâo 21 čô, đĭ rơdêh đuăi amăng jơlan mrô 24 lơm găn nao plơi Đăk Puih, să Đăk Tờ Re, tơring glông Kon Rẫy, tơring čar Kon Tum bưp tơlơi truh. Bruă anai ngă Nguyễn Thành Triệu djai ƀơi anun hlao hăng hơmâo 24 čô, amăng anun 20 čô lĕ grup hyu čuă lăng, 2 čô lĕ pô mơgăt rơdêh pơgiăng gơnam hăng pơgiăng mơnuih, 1 čô pô sang rơdêh pơgiăng gơnam hăng 1 čô mơnuih ba hyu tuai, ƀing gơñu lêng kơ rơka rơkač soh.