10 blan laih rơgao, abih tih rơnoh sĭ mơdrô gơnam hăng pơhrui glăi mơng sĭ gơnam hiam lăng 9,4% pơhmu tui tơđar thun 2022. Ding jum sĭ mơdrô hăng tuh tia pơkra ming pơsit tong, pơ anăp anai, gơnam yua amăng rŏng lŏn tơnah amra pơplih na nao.

Kiăng pơhlôm djop gơnam yua, hơđong nua sĭ mơdrô amăng rơnuč thun 2023 hăng bơyan ngui ƀong tết Giáp Thìn 2024, Ding jum rơkâo gơnong bruă sĭ mơdrô hăng tuh tia pơkra ming hơdôm boh tơring čar, ƀôn prong, djop anih anom, khul grup  sĭ gơnam tañ prap lui pơkra pơjing, sĭ mơdrô, hơdôm hơdră ba hyu sĭ mơdrô hăng pơhlôm hơđong bruă sĭ mơdrô, gơgrong pơhlôm djop gơnam yua, hơđong anih anom sĭ mơdrô, anăm brơi kơƀah, gun găn amăng bruă ba hyu gơnam ngă đĭ nua amăng rơnuč thun hăng bơyan ƀong tết tui phiăn juăt.