Ƀơi mông mă bruă, Kơ-iăng khua pơ ala mơnuih ƀôn sang dêh čar bơni kơ pran jua mă bruă, prăp lui hlâo, glăm ba mơ̆ng ƀôn prong hăng djop plơi pla amăng bruă prăp lui. Bruă mă phun pok pơhai tơpă, tong ten, pơhlom djơ̆ hnơ̆ng pơkă tui tơlơi phiăn; bruă jơnum pơčrong sai ruah mơnuih či tơbiă anăn ăt ngă djơ̆ tơlơi pơtrun; tơlơi pơhing pơgang rơnuk rơnua dưi kơtưn lu, ngă atur kơ tơlơi gêh găl hrơi jơnum prong ruah khua.

Kơ bruă mă pơ anăp, Kơ-iăng khua pơ ala mơnuih ƀôn sang dêh čar pơtrun hiăp brơi ngă tui bruă pơtô lăi tong ten, djop hră pơar tơlơi pơtrun git gai mơ̆ng Gơnong dlông hăng khul pơphun bruă ruah khua dêh čar; prăp lui tong ten rim črăn pioh kơ hrơi jơnum prong ruah khua jing hrơi mơak kơ abih bang ană plơi pla. Bruă phun đing nao, kơtưn pơtô hrăm glăi, pơčrâo ba djop anom bruă thâo hruaih pơphun ruah khua; laih dơ̆ng dưm kơthung plĕ hră ruah khua djơ̆ găl, jơlan nao rai hluai hăng anih pơtep hră čih anăn khom ngă djơ̆, rơđah rơđong.