Pok pơhai Tơlơi pơtrun mơ̆ng Khua mua pơ ala, truh ră anai dêh čar ta pơsir, pơklaih brơi hăng či pơklaih brơi 5.200 kơčăo bruă dŏ tơnap, lŏn tơnah hăng 70 rơbâo hektar hơmâo ba mă yua...Ƀơi mông jơnum, Khua dêh čar ơi Phạm Minh Chính lăi, ră anai dêh čar ta dŏ giăm 3000 kơčăo bruă tơnap, dŏ gun. Hơdôm ding jum, anom bruă ječ ameč ĕp hơdră pơsir, lăi pơthâo glăi rơđah anih dưi pơkra brơi.

Bơdjơ̆ nao bruă pok pơhai jơlan hơdră dêh čar, Khua dêh čar kiăng Ding jum bruă hmua hăng ayuh hyiăng ječ ameč čih pơkra sem lăng anŏ gêh găl dưi ngă, kĭ brơi hră Pơtrun tuh pơ alin Jơlan hơdră dêh čar rơwang thun 2026-2030, amăng blan 1/2026, kiăo tui tơlơi jao bruă, kah pơpha bruă mă kơ hơdôm boh tơring. Pơƀut čih pơkra jơlan hơdră ngă bruă djơ̆ akŏ phun, lăp djơ̆ hăng tơlơi dưi mơ̆ng rim kual, rim plơi pla; anăm ngă raih daih, ngă kiăng kơ ƀă đôč, kiăng djru ngă ƀơi kual tơnap hlâo; pơƀut akŏ pơdong hơbô̆ bruă hơđong, đĭ kyar mơtah, hăng hơmâo nua hrŏm; pơƀut pơplih tơlơi pơmin pơtrut pơsur mơnuih ƀôn sang kiăng kơtưn pơklaih hĭ ƀun rin, kơtưn ngă pơdrong./.