Pơhrăm brơi dong, tŭ mă bôh thâo kơ Kơ-iăng Khua git gai Ping gah, Khua Khul pơ ala mơnuih ƀôn sang, Jơnum min mơnuih ƀôn sang tơring čar, ƀôn prong
Thứ ba, 08:49, 12/12/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Mơguah tom brơi (11/12), ƀơi Hà Nội, Sang hră pơtô bruă kơđi čar Hồ Chí Minh dêh čar ta gum hrŏm hăng Grŭp pơphun bruă mă dêh čar Pok anih pơhrăm brơi dong, tŭ mă dong bôh thâo kơ Kơ-iăng Khua git gai Ping gah, Khua Khul pơ ala mơnuih ƀôn sang, Khua Jơnum min mơnuih ƀôn sang gưl tơring čar (Anih hrăm tal 3).
Ding kơna Ding jum kơđi čar, Khua Sang hră pơtô bruă kơđi čar Hồ Chí Minh dêh čar ta, Khua Khul pơblang bruă kơđi čar dêh čar ta Nguyễn Xuân Thắng, Khua Grŭp pơphun pok anih hrăm nao pơhmư̆.
Ơi Nguyễn Xuân Thắng brơi thâo, anih hrăm pioh pơhrăm brơi dong, tŭ mă dong bôh thâo kơ hơdôm mơnuih apăn bruă yôm phăn amăng git gai, črâo ba ngă tui hơdră pơtrun, hơdră bruă mơ̆ng Ping gah, Kơnuk kơna ƀơi hơdôm bôh tơring čar, ƀôn prong hăng hơdôm bôh ƀirô dêh čar ta, kiăng djơ̆ tui hơdôm tơlơi rơkâo pơplih tañ mơ̆ng bôh nik glăk ba tơbiă. Hrŏm hăng anun pơtrut kơtang bruă pơphun ngă tui truh kih abih bang Tơlơi pơtrun pơsit Jơnum Ping gah tal 13 hăng Tơlơi pơtrun pơsit Jơnum Ping gah hơdôm gưl./.
Viết bình luận