Amăng mông jơnum anai, Ping gah dêh čar ta črông lô hăng gum pơhiăp klah čun kơ hơdôm tơlơi ƀơi yŭ anai: Tơlơi bơwih ƀong – mơnuih mơnam, ngăn drăp kơnuk kơna thun 2023, kơčăo bruă thun 2024; Kơčăo bruă prăk kak – ngăn drăp kơnuk kơna 3 thun 2024-2026 hăng glông jơlan ngă tui prăk blan phrâo; klah čun 10 thun ngă tui Tơlơi pơtrun pơsit Ping gah dêh čar mrô 5 tal 11 kơ sa dua mơta tơlơi hơdră bruă mơnuih mơnam rơwang 2012-2020; Klah čun 20 thun ngă tui Tơlơi pơtrun pơsit mơ̆ng Ping gah dêh čar mrô 7 tal 9 kơ ngă tui pran kơtang gum hrŏm hơbit abih bang djuai ania yua mơnuih ƀôn sang pơdrong, lŏn ia kơtang, mơnuih mơnam dưm kơnar, tơpă, thâo rơgơi; Klah čun 15 thun ngă tui Tơlơi pơtrun pơsit Ping gah mrô 7 tal 10 kơ pơdŏng khul mơnuih thâo hră amăng rơnuk pơtrut kơtang pơplih phrâo măi mok, pơplih phrâo lŏn ia; Klah čun 10 thun ngă tui Tơlơi pơtrun pơsit Ping gah dêh čar mrô 8 tal 11 kơ Bruă pơgang lŏn ia amăng rơnuk phrâo; Pơkă Grŭp mă bruă Ping gah dêh čar tal 14; hăng sa dua tơlơi yôm phăn pơkon.

Pơhiăp amăng mông pok phun, Khua git gai Ping gah dêh čar ta, ơi Nguyễn Phú Trọng rơkâo Ping gah dêh čar hăng ƀing khua mua pơhmư̆ mông Jơnum ngă tui bôh thâo ia rơgơi, lăng yôm pran jua bruă gơgrong, đing nao kơsem min, bơkơtuai tŏng ten, gum pơhiăp kiăng ngă giong hơdôm tơlơi lăi pơthâo glăi, akô̆ bruă hăng pel ĕp, pơsit amăng rơnuč tal jơnum. Pơkă hlâo jơnum mă bruă truh kơ 8/10./.