Pơphun amăng 5 hrơi, Jơnum min apăn bruă Khua pơ ala mơnuih ƀôn sang gum pơhiăp amăng lu bôh yôm phăn, amăng anun hmâo tơlơi gum pơhiăp bruă prăp lui mă hră ruah hăng mơnuih apăn bruă yua Khua pơ ala mơnuih ƀôn sang dêh čar ruah ƀudah pơsit amăng tal jơnum lok 6, Khua pơ ala mơnuih ƀôn sang dêh čar ta tal 15. Pơhiăp amăng mông pok phun, Khua git gai wai lăng pơ ala mơnuih ƀôn sang dêh čar ta ơi Vương Đình Huệ brơi thâo mrô bruă lu, tơhnal glêh tơnap prong, hrơi mông kiăng tañ.

Khua git gai wai lăng pơ ala mơnuih ƀôn sang dêh čar ta rơkâo ding kơna Jơnum min apăn bruă Khua pơ ala mơnuih ƀôn sang ngă tui pran jua hơdôm mông jơnum hlâo kiăng gum pơhiăp kơ hơdôm bôh yôm pioh pơhlôm kơjăp mông jơnum lĕ klă hloh. Hluai tui pel ĕp abih bang bruă prăp lui hăng hơdôm bôh yôm lăi pơthâo kơ Khua pơ ala mơnuih ƀôn sang, tơdơi kơ tŭ mă tơlơi gum pơiăp ƀing khua pơ ala mơnuih ƀôn sang, hơdôm Grŭp khua pơ ala mơnuih ƀôn sang,  Jơnum min apăn bruă Khua pơ ala mơnuih ƀôn sang amra gum pơhiăp tal rơnuč kơ jơlan hơdră bôh yôm Tal jơnum lok 6 pioh lăi pơthâo kơ Khua pơ ala mơnuih ƀôn sang pel ĕp, pơsit lăng glăi amăng mông jơnum pơhlôm hlâo./.