Amăng lơ 15/8, Jơnum min apăn bruă Khua pơ ala mơnuih ƀôn sang dêh čar ta pơphun mông tơña hăng lăi glăi tơlơi tơña pioh kơ 2 ƀut tơlơi gah bruă gơgrong mơ̆ng Ding jum tơlơi phiăn, Ding jum đang hmua hăng pơđĭ kyar ƀôn lan dêh čar ta.

Mơguah, Khua Ding jum tơlơi phiăn dêh čar ta, ơi Lê Thành Long lăi glăi tơlơi tơña hơdôm bôh yôm: Bruă ngă tui jơlan hơdră čih pơkra tơlơi phiăn, tơlơi pơtrun; Hơdôm jơlan pơsir pơhlôm rơnoh pơkă, anô̆ klă hăng hră pơ-ar hơdôm rơwang bruă, čih pơkra Gong gai dêh čar lăi pơthâo kơ Khua pơ ala mơnuih ƀôn sang dêh čar; Jơlan gah pơđĭ tui anô̆ klă bruă tơlơi phiăn, jơlan gah wai lăng tơlơi dưi, pơgang pơgăn hưp ƀong kông ngăn, tơlơi ƀu klă amăng bruă čih pơkra tơlơi phiăn gah bruă gơgrong mơng Gong gai dêh čar. Čơtlăm, Khua Ding jum đang hmua hăng pơđĭ kyar ƀôn lan dêh čar ta, ơi Lê Minh Hoan lăi glăi tơlơi tơña kơ ƀut tơlơi gah bruă gơgrong mơng Ding jum đang hmua hăng pơđĭ kyar ƀôn lan dêh čar ta./.