Jơnum Khua pơ ala mơnuih ƀôn sang hlăk ai tal 9 yua kơ Khua pơ ala mơnuih ƀôn sang dêh čar Việt Nam pơphun bruă jơnum, hmâo hơdră pơkă prong hloh mơ̆ng hlâo truh kơ ră anai, hăng 500 čô khua pơ ala gum hrŏm, amăng anun hmâo rơbêh kơ 300 čô khua pơ ala mơnuih ƀôn sang jar kơmar.

Mông jơnum pok phun amăng mơguah anai, tơdơi kơ anun lĕ 2/3 mông bơkơtuai bruă pơplih mrô hăng pơplih phrâo pơčeh phrâo – Pok phun bruă mă, kiăng ba tơbiă hơdôm hơdră bruă hăng jơlan gah pơsir, anăp nao tơhnal ba tơbiă ƀu lui lơi hlơi gah tlôn amăng bruă yua mrô, ăt kah hăng pơtrut pơplih phrâo pơčeh phrâo hăng pok phun bruă, ngă pran pơtrut kơ tơlơi pơđĭ kyar abih bang hăng kơjăp phik. Rơgao tơlơi jơnum lu bơnah yôm phăn anai djru pơtŏng sit tơlơi gum hrŏm klă, hmâo bruă gơgrong hăng gơgrong hlâo mơ̆ng Việt Nam amăng IPU – Khul pơlir hơbit bruă Khua pơ ala mơnuih ƀôn sang prong hloh rŏng lŏn tơnah; hrŏm hăng anun brơi ƀuh tơlơi đing nao, lăng ba mơng Việt Nam pioh kơ hlăk ai hăng hơdôm tơlơi hrŏm đơ đam rŏng lŏn tơnah mơ̆ng hlăk ai ră anai./.