Amăng tal jơnum anai, Khua pơ ala mơnuih ƀôn sang amra ruah Khua mir sir dêh čar, Khua git gai wai lăng pơ ala mơnuih ƀôn sang; Pel ĕp hluai tui 10 rơwang bruă tơlơi phiăn; gum pơhiăp 11 rơwang bruă Tơlơi phiăn; ăt kah hăng tơlơi pơsit hơdôm tơlơi bơwih ƀong – mơnuih mơnam, ngăn drăp kơnuk kơna, lăng tui hăng hơdôm tơlơi yôm phăn pơkon.

Tal jơnum anai dưi hmâo mơnuih pơ ala mơnuih ƀôn sang hăng mơnuih ƀôn lan đing nao, čang rơmang Khua pơ ala mơnuih ƀôn sang hluai tui Tơlơi pơtrun pơsit brơi Tơlơi phiăn lŏn drŏn hmâo mă yua mơ̆ng 1/7/2024. Pơphun amăng mông bruă bơwih ƀong lŏn ia ta glăk dŏng ƀơi anăp lu tơlơi lông, mơnuih pơ ala mơnuih ƀôn sang hăng mơnuih ƀôn lan čang rơmang ƀing khua pơ ala mơnuih ƀôn sang dêh čar ngă tui bruă jao, tơlơi thâo thăi, gum hrŏm črông sai, gum brơi klă pioh ĕp jơlan pơsir klă pơtlaih tơnap kơ bruă bơwih ƀong, ngă tui truh kih hơdôm tơhnal ba tơbiă bơwih ƀong – mơnuih mơnam dưi hmâo Khua pơ ala mơnuih ƀôn sang ba tơbiă kơ thun 2024, pơjing phun than kơjăp kơ bruă ngă giong hơdôm tơhnal ba tơbiă kơ rơwang mơ̆ng thun 2021-2025./.