Bruă anai bơdjơ̆ nao năng ai 477 boh sang, hăng rơbêh 2.000 čô mơnuih ƀơi să Phước Dinh. Bruă kiăng ngă na nao mơ̆ng Kơčăo bruă anai lĕ pơhlom brơi abih bang mơnuih nao dŏ pơ anih phrâo, hơmâo tơlơi hơdip hrup anih hơđăp ƀudah jơnap hloh kơ anih hơđăp, ƀơ ƀrư̆ hơđong tơlơi bơwih ƀong. Prăk ngă kơčăo bruă rơbêh 3.200 klai.

Kiăng pơkra giong Sang măi apui lơtrik ayuh Ninh Thuận 1 hăng 2 hlâo kơ thun 2031, Khua mua pơ ala mơnuih ƀôn sang hơmâo ngă hră, hơmâo tơlơi pơtrun phara, biă ñu lĕ duh prăk, djru ba, pơdong plơi phrâo klă hloh, kiăng klă kơ mơnuih ƀôn sang. Kơ-iăng khua dêh čar ơi Bùi Thanh Sơn kiăng hơdôm ding jum, anom bruă, plơi pla bơdjơ̆ nao ječ ameč pok pơhai bruă djru ba pơđuăi ană plơi, čuk pơkra anih anom tui tui hăng phiăn, pơhlom brơi mơnuih ƀôn sang dưi hơdip mơda bơwih ƀong huă sui thun yun blan.