VOV4.Jarai - Khul sĭ mơdrô kơ phê Buôn Ma Thuột glăk pơphun Bruă pơplông hna kơ phê Việt Nam thun 2022. Anai lĕ tal blung a bruă pơplông dưi pơphun, čang rơmang lĕ “anih ngui ngor” kơ hơdôm mơnuih kiăng khăp bruă hna kơ phê, djru pơđĭ tui anô̆ klă kơ phê hna mah Việt Nam. Bruă pơplông hna kơ phê Việt Nam thun 2022 amra pơphun amăng akô̆ blan 10/2022.

Bruă hna kơ phê jai hrơi jai hmâo lu mơnuih đing nao hơduah ĕp lăng

Mơnuih gum hrom pơplông lĕ mơnuih Việt Nam mơng 18 hăng lu hloh kơ anun, glăk dô̆ hơdip mơda hăng mă bruă ƀơi dêh čar Việt Nam. Mơnuih pơplông amra găn rơgao hơdôm bôh yôm pơplông anun lĕ: Ngă juăt hăng asar kơ phê yua pioh hna; ngă juăt hăng măi hna; nô̆p kơčăo bruă hna hăng hnal lăi pơthâo anô̆ jơman kơ phê; hna lông lăng... Rơgao kơ bruă pơplông, khul čang rơmang amra djru đĭ tui nua kơ phê Việt Nam. Truh ră anai, Grŭp pơphun bruă pơplông hmâo mă 31 pok hră rơkâo pơplông. Amăng anun hmâo 24 čô mơnuih pơplông ha jăn, 14 čô mơnuih pơplông tui grŭp./.

Siu H’ Prăk: Pơblang