Pơphun Hrơi jơnum “Đại ngàn Tây Nguyên - Tinh hoa hội tụ” ƀơi Kon Tum
Thứ năm, 15:11, 30/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Hăng anăn “Đại ngàn Tây Nguyên - Tinh hoa hội tụ” (Glai klô prong kual Dap Kơdư - Tum pơƀut anŏ hiam hloh klă hloh), mơguah lơ 29/11, ƀơi Tơdron lăk 16/3 ƀơi či plơi prong Kon Tum, tơring čar Kon Tum pơphun Jơnum pok pơhai Hrơi jơnum Gru grua, Bơkơjăp drơi jăn hăng Tuai čuă ngui djŏp djuai ania kual Dap Kơdư tal 1, thun 2023.
Nao jơnum hơmâo năng ai 1.000 čô kơhnâo, mơnuih ngă sen, mơnuih bơkơjăp drơi jăn hăng ƀing khua pơ ala brơi djŏp djuai ania glăk hơdip ƀơi 5 boh tơring čar kual Dap Kơdư. Pơhiăp git gai mông jơnum, pơ ala kơ Ping gah, Kơnuk kơna, Đại tướng Tô Lâm, Ding kơna ding jum kơđi čar, Khua ding jum kông an lăi: Ping gah, Kơnuk kơna ta lêng kơ lăng ba pơđĭ kyar abih bang hăng hơđong kơjăp kual Dap Kơdư. Lơ 6/10/2022 Ding jum kơđi čar tal 13 hơmâo Tơlơi pơtrun mrô 23 kơ pơđĭ kyar bơwih ƀong huă - mơnuih mơnam hăng pơhlôm pơgang lŏn ia, rơnuk rơnua kual Dap Kơdư truh pơ thun 2030, anăp nao truh pơ thun 2045.
Viết bình luận