Pơphun amăng 2 hrơi (23-24/9), hrơi pơphun bơwih ƀong pơplih pơčeh phrâo tơring čar Dak Lak thun 2024 (Techfest Dak Lak 2024) hơmâo lu bruă mă anun lĕ: pơdă prưng, lăi pơthâo hơdôm akŏ bruă, gơnam bơwih ƀong phrâo, OCOP, tuh tia pơkra ming ƀon lan, bơwih brơi tuai čuă ngui, sa, dua jơnum bơkơtuai kơ bruă pơplih pơčeh phrâo, pơphun bơwih ƀong mơtah, hơdră pơtrut pơphun bơwih ƀong amăng hơdôm gơnong bruă, amăng ƀing mơnuih. Anai lĕ bruă mă pơphun rĭm thun, kiăng ƀing bơwih ƀong sĭ mơdrô dưi pơbưp nao rai, pơlir tuh pơ alin, ĕp anom bruă ngă hrŏm, pok prong bơwih ƀong.     

Ơi Nguyễn Tuấn Hà, Kơ-iăng khua Jơnum min mơnuih ƀôn sang tơring čar Dak Lak brơi thâo, hơdôm bruă djru pơphun bơwih ƀong amăng tơring čar ba glăi tŭ yua, pơgôp pơjing khul pơphun bơwih ƀong Dak Lak pơđĭ kyar dơlăm, lar hyu pran pơphun bơwih ƀong amăng abih bang mơnuih.