Ƀơi mông mă bruă, lu khua mua pơ ala djop anom bruă hơmâo pơgôp hiăp tum teč kơ bruă pơphun bruă mă gru grua hiam, adoh suang kiăng hơdor glăi 80 thun hrơi pơphun plĕ hră ruah khua pơ ala mơnuih ƀôn sang dêh čar Việt Nam blung a hăng hơdôm boh yôm phun kah hăng: bruă pơphun pơplông pơčeh ƀudah jak iâu pơčeh tơlơi adoh suang bơni kơ bruă mă khua mua pơ ala mơnuih ƀôn sang dêh čar hăng khua pơ ala mơnuih ƀôn sang djop gưl; hơdră adoh suang hing ang mơnuih ƀôn sang Việt Nam; pơphun pơplông adoh suang gong phun pơdah rup anom bruă pơ ala mơnuih ƀôn sang Việt Nam.

Klah čun ƀơi mông mă bruă, Khua pơ ala mơnuih ƀôn sang dêh čar, Vương Đình Huệ rơkâo, Khul khua mua git gai, khul khua mua pok pơhai kơčăo bruă pioh pơphun hơdor glăi tal 80 thun hrơi plĕ hră ruah khua pơ ala mơnuih ƀôn sang dêh čar Việt Nam blung a tui hăng tơlơi pơtrun git gai mơ̆ng khul apăn bruă ping gah dêh čar; akŏ pơjing khul mă bruă pok pơhai ngă tui pơpha djop bruă mă, amăng anun khul mă bruă gah gru grua hiam, adoh suang yua Kơ-iăng Khua pơ ala mơnuih ƀôn sang dêh čar Trần Quang Phương ngă khua khul pioh git gai hăng pok pơhai bruă mă rơđah rơđong.