Pơhiăp ƀơi mông jơnum, Khua dêh čar ơi Phạm Minh Chính lăi rơđah: Jơnum bơwih ƀong bơyan mơyan thun 2025 ƀu kơnong jing sa bruă hmư̆ hing pơ jar kmar đôč ôh, ăt jing gru kơđŏm pok rai jơlan bơwih phrâo, bă kơ tơlơi kơtưn ngă hrŏm đĭ kyar hăng mut hrŏm jar kmar mơ̆ng Việt Nam; yua kơ tơlơi rơngai, hơđong, ngă hrŏm hăng đĭ kyar amăng kual wơ̆t hăng ƀơi rŏng lŏn tơnah.

Khua dêh čar lăi pơtŏng, Jơnum bơwih ƀong bơyan mơyan thun 2025 jing bruă yom biă, pơƀuh rơđah tơlơi rơgơi hơmâo tum pơƀut, kah pơpha hăng ngă bruă bang hyu hmư̆ hing mơ̆ng Việt Nam hrŏm hăng jar kmar. Khua dêh čar đăo kơnang hơdôm tơlơi pơgôp hiăp, pơčeh phrâo laih anun ƀuăn hơmâo kah pơpha ƀơi Jơnum bơwih ƀong bơyan mơyan thun 2025 amra bang hyu na nao, ngă tui hăng bruă sit nik - pok pơhư brơi hơdôm tơlơi gêh găl ngă hrŏm phrâo hăng bruă ngă rơđah rơđông đah mơ̆ng akŏ pơjing pơ anăp anai đĭ kyar mơtah mơda, boh thâo mrô hăng thâo khăp pap kơ abih bang djuai ană mơnuih.