Tlam (11/5),  pơphun jơnum prap lui, pơčrông sai ruah Khul git gai hăng khul čih pioh amăng jơnum anai; hluai tui jơlan hơdră, tơhnal pơkă bruă mă amăng jơnum. Amăng mông mă bruă, ƀing khua mua hmư̆ črăn hră lăi pơthâo bruă mă mơng Jơnum min gơnong glông, Khul git gai hăng Khul apăn bruă Jơnum min djop djuai ania mơnuih mơnam Việt Nam rơwang thun 2024-2026. Hră lăi pơthâo pơsit tong, rơwang thun 2024-2026, Jơnum min, Khul git gai, Khul apăn bruă tŏ tui pơplih phrâo boh tơhnal, jơlan gah bruă mă, pơgiong hmao tlôn, klă hloh, tŭ yua hơdôm bruă jao hơmâo pơsit amăng hră pơtrun mơng Jơnum hăng hơdôm bruă ba tơbiă amăng tơlơi sit nik.

Tui jơlan hơdră, mơguah lơ 12/5, jơnum pok pơphun yôm phăn hăng tơlơi mut hrŏm mơng ƀing khua apăn akŏ, khua mua hơđăp mơng Ping gah, Kơnuk kơna, Jơnum min djop djuai ania mơnuih mơnam Việt Nam. Yang hrơi tlam, ƀing khua mua pơčrông sai hăng tŭ yap bruă ruah mơnuih apăn bruă amăng Jơnum min apăn bruă Jơnum min djop djuai ania mơnuih mơnam Việt Nam tal XI, rơwang thun 2026-2031; pơčrông sai ruah Jơnum min apăn bruă Jơnum min djop djuai ania mơnuih mơnam Việt Nam tal XI, rơwang thun 2026-2031, Jơnum Jơnum min apăn bruă Jơnum min djop djuai ania mơnuih mơnam Việt Nam lok blung a tal XI, rơwang thun 2026-2031.