Mơguah lơ 20/10, ƀơi sang Jơnum prong khua mua pơ ala mơnuih ƀôn sang dêh čar, jơnum lok 10 tal 15 mơ̆ng ƀing pơ ala mơnuih ƀôn sang dêh čar sit nik pok pơhai jơnum, truh kơ lơ 11/12/2025.

Anai lĕ jơnum lok rơnuč yơh mơ̆ng khul pơ ala mơnuih ƀôn sang dêh čar tal XV hăng abih bang hrơi mă bruă năng ai amăng 40 hrơi, him lăng amra sem glăi, pơsit hĭ 49 mơta tơlơi phiăn.

Tơdơi kơ đĭ pơhiăp git gai jơnum mơ̆ng Khua pơ ala mơnuih ƀôn sang dêh čar ơi Trần Thanh Mẫn, ƀing pơ ala mơnuih ƀôn sang amra hmư̆ khua mua amăng kơnuk kơna lăi pơthâo boh tơhnal ngă tui akŏ bruă pơđĭ kyar bơwih ƀong huă mơnuih mơnam dêh čar thun 2025, akŏ bruă 5 thun mơ̆ng thun 2021-2025 laih anun pơkă hlâo akŏ bruă či ngă amăng thun 2026. Jơnum min djop djuai ania mơnuih mơnam dêh čar Việt Nam lăi pơthâo tơlơi čih pioh, pơƀut glăi tơlơi pơgôp hiăp, tơlơi rơkâo mơ̆ng mơnuih ƀôn sang rua khua hăng mơnuih ƀôn sang mơ-it kơ mông jơnum. Jơnum lok anai, ƀu pơphun tơña ƀing khua mua amăng kơnuk kơna lăi glăi amăng mông jơnum ôh, pơhrua kơ bruă anun, ƀing pơ ala mơ-it čih amăng hră, rơkâo sang bruă, pô khua hlơi dưi pơsir amra lăi glăi. Anai lĕ, jơnum lok yom biă kah hăng pơƀut glăi bruă mă, pơtong rơđah abih bang bruă mă mơ̆ng ƀing pơ ala mơnuih ƀôn sang dêh čar tal XV.