Khua dêh čar ơi Phạm Minh Chính lăi rơđah, rơwang bruă 2020-2025 jing thun blan tơnap tap amăng lu bruă, mah hnun, yŭ kơ tơlơi git gai mơ̆ng Ping gah, git gai re se mơtăm lĕ Ding jum kơđi čar, Khul khua git gai Ping gah, phun ñu lĕ Khua git gai Ping gah, abih anom bruă kơđi čar gum ngă bruă, ba glăi lu boh than.

5 thun rơgao, lu bruă bơkơtưn hơmâo ngă, pok pơhai tŭ yua, bang hyu, hmư̆ hing biă, kah hăng bruă bơkơtưn yom “Dêh čar gum pơgôp, ha pran, gum bơkơtưn pơgang, pơgăn klin Covid-19”; bruă lŏm lui sang dŏ tơ̆i dưi ngă giong hlâo kơ 5 thun 4 blan; bruă bơkơtưn dăng hrĕ apui lơtrik 500kV črăn 3 Quảng Trạch - Phố Nối, Hrĕ apui 500kV Lào Cai - Vĩnh Yên...Khua dêh čar lăi pơtŏng, kiăng pok prong tui mơnuih mă bruă rơgơi, hơbô̆ bruă tŭ yua, hơdră ngă bruă klă kiăng pơtrut pran jua, hơmâo pran, kiăng abih bang hur har ngă tui; biă ñu kiăng prăp rơmet klă Jơnum bơkơtưn khăp kơ lŏn ia tal 11 amăng blan 12 pơ anăp, djơ̆ hăng boh tŭ yua pơđĭ kyar bơwih ƀong huă - mơnuih mơnam 5 thun rơgao mơ̆ng lŏn ia ta.