Pơphun man pơkra kơčăo bruă mrô 2, jơlan rơdêh đuăi hmar Gia Nghĩa - Chơn Thành
Thứ ba, 00:00, 29/04/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 28/4, ƀơi să Đăk Ru, tơring glông Dak R’Lấp, tơring čar Dak Nông, Jơnum min mơnuih ƀôn sang tơring čar pơphun ngă kơčăo bruă mrô 2 jơlan rơdêh đuăi hmar Gia Nghĩa - Chơn Thành, ƀrô ngă lơphet 50 thun hrơi pơklaih rơngai kual Dơnung.
Kơčăo bruă hơmâo mă yua 100% mrô prăk mơ̆ng tơring čar, hăng 338 klai prăk, man pơkra 20 črăn jơlan hăng 5 ƀĕ tơdrông toa găn đĭ hăng ngŏ, ngă gêh gal đĭ kyar bơwih ƀong huă - mơnuih mơnam. Khua Jơnum min pơ ala mơnuih ƀôn sang tơring čar Dak Nông ơi Hồ Văn Mười lăi, jơlan rơdêh đuăi hmar jing jơlan yôm phun biă mă kơ Dak Nông,Bình Phước hăng abih bang kual Dap Kơdư - Ngŏ dơnung.
Jơlan Gia Nghĩa - Chơn Thành hơmâo prăk man pơkra 25.540 klai, him lăng amra pơkra giong amăng thun 2026, mă yua amăng thun 2027. Jơlan anai ƀu kơnong plai ƀiă rơngiă mông nao rai đôč ôh mơ̆ ăt pok rai anih đĭ kyar phrâo, mă yua klă hơdôm tơlơi gêh gal bơwih ƀong huă, tuai hyu ngui hăng pơhưč tuh pơ alin amăng kual.
Viết bình luận