Kual hơdor pioh pơdŏng prong 3,6 ektar ƀơi kual giăm hăng đang bơnga Sang phơ̆t Hội Khánh, tui anăp pok pơhư, djơ̆ hăng bôh thâo mơ̆ng Sang phơ̆t, pơjing sa kual bôh thâo đưm, gru grua hăng bơngat jua.

Rơwang bruă hmâo abih bang prăk mă yua rơbêh kơ 103,8 klai prăk, amăng anun hmâo hơdôm bruă pơdŏng phun lĕ: Sang pơpŭ hăng sang jơnum ơi Nguyễn Sinh Sắc, dưi pơkra tui bôh thâo đưm kual Dơnung dêh čar pơkĕ hrŏm hăng phiăn juăt Việt, pơjing rai anih anom tơhmit, lăng juăt hăng hmâo gru grua đưm – bôh thâo đưm yôm phăn. Hrŏm hăng anun lĕ anih pơdă prư̆ng amra pơdah glăi tơlơi hơdip mơda hăng bruă mă mơ̆ng ơi Nguyễn Sinh Sắc. Tơdrŏn lak, dưi pơkra mă tui tơlơi pơmin mơ̆ng bơnga hơgor ia kông, pioh kơ hơdôm bruă jơnum plơi pla hăng pơtô juăt tui phiăn juăt đưm./.