VOV4.Jarai - Mơguah (6/10), ƀơi plơi prong Buôn Ma Thuột, tơring čar Dak Lak hơmâo pok pơhai tal pơplông hna kơphê Việt Nam thun 2022 (Vietnam Amazing Roast Master thun 2022) yua kơ Khul kơphê Buôn Ma Thuột pơphun. Tal pơplông  pơphun đơ đam dêh čar, pơƀut glăi 35 čô mơnuih mơng 13 boh tơring čar, ƀôn prong amăng đơ đam dêh čar. Ƀing nao pơplông amra găn rơgao hơdôm tal pơplông, hơmâo: sem lăng asar kơphê hiam hơdjă; bruă hna kơphê, bruă pha kơphê.

Ƀing nao pơplông ruah hrơi mông hăng măi hna kơphê

Anŏ phrâo mơng tal pơplông anai pơhmu hăng tal pơplông hna kơphê jar kmar lĕ yua kơphê Robusta Việt Nam; ƀing nao pơplông amra pha kơphê hăng phin laih dong kiăng rơgơi 3 mơta anun lĕ: ĕp asar kơphê hiam, hna hăng pha kơphê. Tal pơplông pơphun mơng lơ 6-9/10/2022, hơmâo tơlơi krăo lăng mơng Khul pơphun hơmâo 13 čô mơnuih rơgơi kơhnâo amăng hơdôm tal pơplông kơphê. Khul pơphun čom puang hơmâo 6 čô mơnuih čom gah bruă hna, pha Espresso (amăng anun hơmâo 3 čô mơnuih čom puang mơng tač rơngiao); 6 čô čom puang ga bruă hna, pha phin.

VOV Tây Nguyên/Siu Đoan: Pơblang