![VOV/Siu Đoan Pơblang](/themes/custom/vov_4/images/avatar.png)
Amăng mông hning rơngŏt hăng ol kơdol pran jua, grup ayup đing hơmâo ayup tơlơi adôh pơpŭ kơ lŏn ia hlâo kơ ataih mơng Khua git gai Ping gah dêh čar ơi Nguyễn Phú Trọng - Khua git gai rơgơi hloh, lơm dŏ hơdip abih pran jua yua kơ lŏn ia, yua kơ mơnuih ƀôn sang. Hăng pran jua ol kơdol hăng hing rơngŏt, Ding kơna Ding jum kơđi čar, Khua mir sir ơi Tô Lâm, Khua khul pơphun mơyut jôk hơmâo pơđok hră hơ-ŭ hơdor tui anai: Khua git gai Ping gah dêh čar rơngiă lĕ tơlơi rơngiă prong biă mă, ƀu dưi pơhrua nao mơng Ping gah, djuai ania ta, mơnuih ƀôn sang ta. Lŏn ia ta rơngiă sa čô khua git gai rơgơi kơhnâo; mơnuih Cộng sản, pơplih phrâo, rŏng lŏn tơnah ăt rơngiă sa čô mơnuih thâo rơgơi mơbruă; gơyut gơyâo jar kmar rơngiă sa čô gơyut hơdip tơpă, jê̆ giăm; sang anŏ, kơnung djuai, plơi pla Đông Hội rơngiă sa čô mơnuih amăng plơi pla.
![Mông hơ-ŭ hơdor kơ Khua git gai Ping gah dêh čar ơi Nguyễn Phú Trọng](https://vov4-media.solidtech.vn/sites/default/files/styles/large/public/2024-07/le%20truy%20dieu%20%281%29.jpg)
Hơdôm tơlơi gum pơgôp mơng Khua git gai Ping gah dêh čar ơi Nguyễn Phú Trọng amra djă pioh na nao amăng gru grua dêh čar Việt Nam, amra tŏ tui hăng ngă tui klă ƀiă dong amăng bruă pơplih, ngă pơgiong hơnong pơkă lŏn ia Việt Nam rơnuk rơnua, hơđong, ngă pô, pơdrong asah, hiam klă, yâo mơ-ak mơn Khua git gai Ping gah čang rơmang hăng gir run ngă.
Viết bình luận