Jơnum anai pơphun dong mơng lơ 22-23/12 kiăng đing nao pơčrông sai, pơgôp hiăp kơ tlâo boh tơhnal pơprong: Grup hơdôm bruă ruah khua mua Jơnum tal XIV mơng Ping gah; grup hơdôm bruă kơ črăn hră pơsir mơ-it nao Jơnum tal XIV mơng Ping gah, hơdôm bruă kiăng pơphun Jơnum ruah khua mua đơ đam dêh čar tal XIV mơng Ping gah.

Đĭ pơhiăp amăng mông pok pơphun, Khua git gai Ping gah dêh čar ơi Tô Lâm lăi pơtong, anai lĕ jơnum gơnong glông rơnuč rơwang ngă bruă Jơnum tal XIII, sem lăng, pơgôp hiăp kơ hơdôm bruă kiăng pơphun truh kih Jơnum ruah khua mua đơ đam dêh čar tal XIV mơng Ping gah. Ƀing khua mua kiăng kơ pơgôp tơlơi thâo thăi, tơlơi glăm ba, tơpă sit, rơđah rơđông, bơkơnar amăng bruă ruah mơnuih apăn bruă brơi Jơnum tal XIV mơng Ping gah, amăng anun hơmâo pơgôp hiăp amăng hơdôm boh tơhnal jơlan hơdră bruă mă mơng Jơnum anai.