Lơ 16/10, ƀơi Hà Nội, Ding jum bruă hmua hăng Ayuh hyiăng pơphun Jơnum pơtŏng glăi boh tŭ yua pơđĭ kyar gơnam OCOP hăng čuă ngui amăng plơi pla rơwang thun 2021-2025, anăp nao rơwang thun 2026-2030. Jơnun anai pơsit, Jơlan hơdră “Rim boh să sa mơta gơnam” (OCOP) hăng Jơlan hơdră tuai hyu čuă ngui amăng plơi pla jing tơlơi yom phun “râu mơdưh” tơlơi gêh gal gru grua, anih anom, ană mơnuih ƀơi plơi pla. Tui anun, jơlan hơdră anai ngă pơplih kơtang bruă ngă hmua, mơ̆ng anet jing pơtruh ngă hrŏm, kiăng hơmâo nua pơmă tui; hơmâo kual pla gơnam prong hơđong kjăp, pơtrut pơphun bruă bơwih ƀong, pơđĭ kyar bruă mă amăng plơi pla, pok rai tơlơi gêh gal kơ mơnuih ƀôn sang djuai ania ƀiă hăng ƀing adơi amai amăng plơi bơwih ƀong mơdrô.

Ră anai dêh čar ta hơmâo rơbêh 17.300 mơta gơnam OCOP, hơmâo rơbêh 600 hơbô̆ bruă tuai hyu čuă ngui amăng đang hmua, hrŏm hăng giăm 400 anih čuă ngui hơmâo tŭ yap. Ƀơi mông Jơnum, ƀing khua lăi: ƀơi anăp tơlơi kiăng pơplih phrâo pơđĭ kyar mơtah mơda, mă yua boh thâo mrô, huăi ngă hơƀak jrak ayuh hyiăng hăng kiăo tui ayuh hyiăng pơplih, kiăng hơmâo jơlan ngă bruă pơplih kơtang, ĕp jơlan phrâo hloh amăng pơđĭ kyar OCOP hăng hyu čuă ngui amăng plơi pla. Jơlan hơdră OCOP hăng hyu čuă ngui amăng plơi pla rơwang thun 2026-2030 čang rơmang jing tơlơi pơplih kơtang amăng bruă dăp glăi tơlơi bơwih ƀong, hơmâo prăk pơhrui lu ƀiă, hơdip dơnap tui, laih dong djă pioh gru grua hiam hăng anih anom hiam amăng plơi pla Việt Nam./.