Bơdjơ̆ nao črăn tơlơi pơkă kơ ngă hră pơ-ar bơwih ƀong sĭ mơdrô, Ding jum prăk kak hơmâo pel ĕp hăng ƀuh sa, dua boh tơhnal kiăng pơplih pơkra, pơhrua kiăng lăp djơ̆ hăng hơbô̆ bruă dưm dăp gong gah ƀon lan 2 gưl. Tui anun, pơplih pơkra hơdôm tơlơi pơkă bơdjơ̆ nao bruă jao, tơlơi pơkă mơng anom bruă ngă hră pơ-ar bơwih ƀong sĭ mơdrô gưl tơring čar, tơring glông; bruă wai lăng mă jia hăng anom bơwih ƀong sĭ mơdrô lơm lui hĭ gưl tơring glông; pơjing mơtăm tơlơi pơkă pơplih pokra kiăng kah gưl, jao bruă brơi Jơnum min mơnuih ƀôn sang gưl să ngă hră pơ-ar grup bơwih ƀong hrŏm, anom bơwih ƀong hrŏm, pơlir bơwih ƀong hăng sang anŏ bơwih ƀong sĭ mơdrô…

Kơ-iăng Khua dêh čar ơi Nguyễn Chí Dũng tŭ ư hăng tơlơi rơkâo mơng Ding jum prăk kak ječ ameč lăng glăi hơdôm bruă phrâo kiăng lăp djơ̆ hăng tơlơi sit nik lơm ngă hơbot gong gai 2 gưl; kah gưl, jao bruă, hrŏ ƀiă hră pơ-ar mă yua boh thâo phrâo tui hơdôm tơlơi črâo trun, tơlơi pơkă phrâo bơdjơ̆ nao bruă ngă hră pơ-ar bơwih ƀong sĭ mơdrô. Kơ-iăng Khua dêh čar lăi pơtong, tơlơi pơkă kiăng ba tơbiă ngă tui hlâo lơ 1/7.