9 mơta tơlơi phiăn anun hơmâo: Tơlơi phiăn plơi prong jưh jom (čih pơhrua ); Tơlơi phiăn tŭ mă tơlơi pơhing (čih pơhrua); Tơlơi phiăn Pô akŏ sang (čih pơhrua); Tơlơi phiăn čih pơkra glăi, pơhrua nao sa, dua mơta tơlơi phrâo mơ̆ng Tơlơi phiăn Bơkơtưn mă bruă, apah bơni; Tơlơi phiăn ngă yang rơbang hăng tơlơi đăo (čih pơhrua); Tơlơi phiăn čih pơkra, pơhrua sa, dua mơta tơlơi pơkă phrâo mơ̆ng Tơlơi phiăn pơkă kơ anom bruă anih jưh pơ ala dêh čar Cộng hoà xã hội chủ nghĩa Việt Nam ƀơi dêh čar tač rơngiao;

Tơlơi phiăn čih pơkra, pơhrua nao sa dua mơta tơlơi pơkă phrâo mơ̆ng Tơlơi phiăn pơkă mă jia sa čô mơnuih ƀong prăk blan lu, Tơlơi phiăn mă jia sa črăn amăng hơpluh, Tơlơi phiăn mă jia rơnoh prăk kơmlai mơ̆ng sang bruă mơdrô hăng Tơlơi phiăn sĭ mơdrô kông ngăn yom hloh; Tơlơi phiăn čih pơkra, pơhrua nao sa dua mơta tơlơi amăng tơlơi phiăn Luật công chứng, pơsit glăi hră pơar; Tơlơi phiăn čih pơkra pơhrua phrâo Tơlơi phiăn djru ba kơđi. Ƀơi mông jơnum hăng ƀing čih tơlơi pơhing, khua mua djop ding jum, anom bruă gưl dêh čar hơmâo lăi glăi hơdôm tơlơi tơña mơ̆ng ƀing čih tơlơi pơhing, kiăng lăi pơthâo rơđah hơdôm boh yom phun čih amăng tơlơi phiăn, anŏ yom kiăng ngă tui, laih anun boh tŭ yua bơwih brơi anŏ pơđĭ kyar bơwih ƀong huă mơnuih mơnam amăng dêh čar.