Amăng klâo hrơi, mơ̆ng lơ lơ 1-4/11, ƀơi tơring glông Kon Plong, Kon Tum, Khua mua git gai mơ̆ng dêh čar kơ pơhlôm pơgang tơlơi truh lŏn adai ngă jơnum pok anih pơtô, hrăm kơ ƀing mă bruă pơhlôm pơgang tơlơi truh lŏn adai ngă hăng ƀing tơhan kơsung nao pơ anăp mă bruă ƀơi să. Ƀrô djơ̆ tal anai, ƀing mơnuih rơgơi kơhnâo ăt pơblang tong ten, pơčrâo rơđah bruă mă kiăng kơ khua mua gong gai kơnuk kơna, ling tơhan mă bruă thâo bong glăi hăng tơlơi truh lŏn pơpư̆ čư̆ mơgơi tơdah hơmâo.

Jao gơnam yua mă bruă kơ Grup kơsung nao mă bruă pơgang tơlơi truh lŏn adai ngă

Ƀrô tal anai, ƀing Khua mua git gai mơ̆ng dêh čar kơ hơdră pơhlôm pơgang tơlơi truh lŏn adai ngă hơmâo jao gơnam yua mă bruă kơ Grup tơhan mă bruă kơsung nao djru ană plơi amăng mông ječ ameč truh djop tơring čar : Kon Tum, Gia Lai, Dak Lak, Dak Nông, Lâm Đồng hăng Quảng Nam.