Ƀơi jơlan hơdră anai, khua mua tơring čar Kon Tum čih pioh hơdôm tơlơi rơkâo đĭ mơ̆ng ƀing ngă bruă mơdrô pơdjơ̆ nao boh yom phun kah hăng tơlơi gun amăng bruă yua lŏn; tañ ngă hră pơkă hơnơ̆ng tơlơi djru kiăng Grup ngă hrŏm, sang bruă ngă hrŏm, khul pơlir hơbit sang bruă ngă hrŏm amăng tơring čar dưi tŭ mă boh tơhnal ring bruă man pơdong, ring bruă yua hrŏm hăng sang bruă pok pơhai pơkŏn mơ̆ng kơnuk kơna jao glăi; đing nao hlâo pơpha ngăn rơnoh kơ bruă mă hơduah ĕp anom sĭ mơdrô jar kmar amăng anih anom sĭ mơdrô phrâo gêh găl; tơlơi sang bruă mơdrô anet, man ƀrô tơnap tŭ mă tơlơi djru mơ̆ng kơnuk kơna dưi pơsir tañ.....

Ăt amăng jơlan hơdră anai mơ̆n, lu sang bruă mơdrô, mơnuih ngă bruă mơdrô tơring čar Kon Tum hăng ƀôn prong Hồ Chí Minh lăi pơthâo gơnam sĭ mơdrô kiăng pơtruh nao rai sĭ mơdrô hăng ngă hrŏm pơkra ming gơnam sĭ mơdrô sui thun.