VOV4.Jarai - Tlam lơ 5/10, ƀơi sang bruă pơ ala mơnuih ƀon sang, Ding kơna Ding jum kơđi čar, Kơ-iăng khua git gai pơ ala mơnuih ƀon sang dêh čar ơi Trần Thanh Mẫn tŭ jum Kơ-iăng khua git gai pơ ala mơnuih ƀon sang dêh čar Lao, Khua jơnum min Rơnuk rơnua hăng Gum pơgôp dêh čar Lao Sommad Pholsena, hrŏm hăng khua mua Jơnum min Rơnuk rơnua hăng Gum pơgôp dêh čar Lao rai čuă hăng mă bruă ƀơi Việt Nam.

Kơ-iăng khua git gai pơ ala mơnuih ƀon sang ơi Trần Thanh Mẫn, Kơ-iăng khua git gai pơ ala mơnuih ƀon sang Lao, Khua Jơnum min Rơnuk rơnua hăng Gum pơgôp Lao Sommad Pholsena hrŏm hăng ƀing khua pơkŏn

Pơhiăp ƀơi mông bưp, ơi Trần Thanh Mẫn brơi thâo, khua mua Ping gah, Kơnuk kơna, Khua mua git gai pơ ala mơnuih ƀon sang dêh čar Việt Nam lêng dong yua, ngă gal brơi hơdôm anom bruă mơng Việt Nam rô nao rai hăng ngă hrŏm kơjăp hloh hăng dêh čar Lao. Tŭ ư hrŏm hơdôm tơlơi rơkâo đĭ mơng Kơ-iăng khua git gai pơ ala mơnuih ƀon sang ơi Trần Thanh Mẫn, Kơ-iăng khua git gai pơ ala mơnuih ƀon sang dêh čar Lao Sommad Pholsena brơi thâo, gah dêh čar Lao amra pơtô pơblang, djă bong tơlơi rô nao rai giăng mah hiam klă; jơnum ngui ngor boh thâo gru grua, sĭ mơdrô, tuai hyu ngui.

VOV.VN čih

Siu H’ Mai pơblang