VOV4.Jarai - Mơguah lơ 5/10, ƀơi Hà Nội, Khul pơlir hơbit sĭ mơdrô hăng măi mok Việt Nam (VCCI) pơphun Bơkơtuai hăng anăn ñu: Pơplih pran gơgrong mơng bruă măi mok djru Việt Nam. Ră anai bruă măi mok djru gum amăng dêh čar ăt hmâo laih lu tơlơi pơplih phrâo amăng hơdôm thun rơgao gah mrô hăng anô̆ klă, dưm dưm hăng 4,5% mrô anom bơwih ƀong mơng gơnong bruă măi mok pơkra pơjing. Măi mok djru gum, djru kơjăp tui tơlơi pơlir hơbit amăng bruă gum hrom mơng gơnong bruă măi mok phun mơng bruă bơwih ƀong kah hăng rơngaih mơñam, klĭ tơkhŏ jep, điện tử, bruă đang hmua, akan hơdang... hăng hơdôm anih anom sĭ mơdrô prong hăng tơnap kah hăng Hàn Quốc, Japan, Mi, kual Mi Kô̆, Khač... Hơdôm tơlơi gum pơhiăp amăng mông bơkơtuai lăi lĕ, Gong gai khom hmâo jơlan gah djru anom bơwih ƀong măi mok djru. Hrom hăng anun lĕ pơtrut kơtang bruă gum hrom hăng hơdôm bôh dêh čar ƀơi rŏng lŏn tơnah pơđĭ tui bôh thâo mơng anom bơwih ƀong amăng bruă pơtô juăt, lăi pơthâo, pơtô glăi hơdră phrâo... 

VOV.VN čih

Siu H’ Prăk pơblang