Kơ-iăng Khua gong phun jua pơhiăp Việt Nam ơi Ngô Minh Hiển git gai mông bưp ƀô̆ mơta. Dua bơnah hơmâo ngă hrŏm pơčrong sai tŭ yua hơdôm thun hlâo kơ anai laih anun akŏ bruă pok pơhai lu kơčăo bruă ngă hrŏm amăng thun 2024. Ƀơi mông mă bruă, Kơ-iăng Khua gong phun jua pơhiăp Việt Nam ơi Ngô Minh Hiển lăi pơtong, Gong phun jua pơhiăp Việt Nam lăng yom bruă ngă hrŏm hăng khul grup Wallonie-Bruxelles hơmâo ba glăi boh tŭ yua thun blan rơgao laih anun djru pơtrut tui amăng bruă mă pôr tơlơi pơhing kơ lu mơnuih čih tơlơi pơhing Gong phun jua pơhiăp Việt Nam lăi pha, ƀing čih tơlơi pơhing phrâo Việt Nam hnun mơ̆n.

Gah kơ pô, Khua khul grup Wallonie-Bruxelles, ơi Pierre Du Ville lăng yôm mơ̆n bruă ngă hrŏm hăng Gong phun jua pơhiăp Việt Nam laih anun čang rơmang pơblih phrâo, hơdră mă bruă tui hơdră djru pơtô hrăm amăng bruă čih tơlơi pơhing phrâo kiăng djơ̆ lăp hăng tŭ yua hloh.