VOV4.Jarai - Tlam lơ 23/9, ƀơi Hà Nội, Ding jum pôr pơhing gum hrŏm hăng Gong phun jua pơhiăp dêh čar Việt Nam, Gong pơdah rup dêh čar Việt Nam pơphun jơnum “Pơtrut pơđĭ kyar pôr pơhing, pơdah rup tui boh thâo phrâo mơng dêh čar” yua Ding jum pôr pơhing gum hrŏm hăng Gong phun jua pơhiăp dêh čar Việt Nam, Gong pơdah rup Việt Nam. Đơ đam dêh čar ră anai hơmâo laih 72 anom bruă pôr pơhing, pơdah rup mơng Gong phun jua pơhiăp hăng pơdah rup. Tui ƀing khua mua, pôr pơhing hăng pơdah rup lĕ anih pơlir hơbit kơplah wah boh tơhnal hăng boh thâo măi mok.

Jơnum pơtrut pơđĭ kyar pôr pơhing, pơdah rup mă yua boh thâo phrâo mơng dêh čar

Amăng hrơi blan mă yua boh thâo phrâo ră anai bruă pơplih mă yua boh thâo phrâo amra bơdjơ̆ nao djop mơta bruă amăng bơwih ƀong huă-mơnuih mơnam, amăng anun hơmâo bruă čih tơlơi pơhing, pôr pơhing, pơdah rup. Mă yua boh thâo phrâo amra ngă pơplih amăng pôr pơhing, pơdah rup hăng djru brơi hơdôm anom bruă ngă tui bruă jao yôm phăn klă ƀiă dong tơdah tañ pơplih hăng tŭ mă tơlơi dưi. Pôr pơhing mă yua boh thâo mrô ngă kơ mơnuih ƀon sang dưi hmư̆, hăng hmư̆ glăi tơlơi pôr pơhing ƀơi Việt Nam, tui hluai hor, pơpă tŭ mơn, wŏt mơnuih ƀong sang pơ tač rơngiao. Gong phun jua pơhiăp dêh čar Việt Nam glăk pơjing akŏ bruă pôr pơhing tui boh thâo phrâo hăng him lăng amăng rơwang tal 3 thun 2023 amra sit nik mă yua.

Siu Đoan: Pơblang