Bruă bơkơtuai jing mông kiăng hmư̆ anom bơwih ƀong dua bôh dêh čar lăi pơthâo hơdôm tơlơi tơnap, tơlơi gun, ba tơbiă hơdôm tơlơi čang rơmang hăng ƀirô wai lăng kơnuk kơna hăng lăi pơthâo tơlơi găn rơgao truh kih amăng bruă bơwih ƀong sĭ mơdrô mơng pô. Hrom hăng anun, lăng ƀuh, pơsit hơdôm bôh tơhnal dưi ngă, hơdôm bruă akă ngă giong, akă dưi ngă amăng sĭ mơdrô, gum hrom apui yua kơplah wah Việt Nam hăng Lao hơdôm hrơi rơgao ăt kah hăng hơdôm tơlơi gun kơ hơdră pơkă, hơdră bruă, hră pơ-ar kiăng pơtlaih.

Amăng mông bơkơtuai, dua bơnah dô̆ gum hrom ĕp jơlan pơsir, hơdră ngă kiăng hmâo dong pran ngă pơhư̆č gum hrom mơng anom bơwih ƀong dua bôh dêh čar amăng gum hrom bơwih ƀong, tuh pơplai, sĭ mơdrô hăng amăng hơdôm bruă rơđah rơđông kah hăng: Anih anom sĭ mơdrô, jơlan pơpha hyu sĭ, jơlan gah pơđĭ kyar măi mok pơkra gơnam kiăng anăp nao truh prăk pơhrui glăi mơng gơnam sĭ nao rai dua bơnah tañ hmâo 2 klai dolar Mi pơ̆ anăp anai./.