Pơtrut tui tơlơi gơgrong bruă mơ̆ng đah kơmơi Dap Kơdư amăng bruă pơkra gơnam mơ̆ng hmua
Thứ năm, 10:13, 26/10/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Lơ 25/10, ƀơi plơi prong Buôn Ma Thuột, tơring čar Dak Lăk, Anom bruă ngă hrŏm jar kmar, Ding jum bruă hmua hăng pơđĭ kyar ƀôn lan pơphun Jơnum lăi pơthâo bruă pơtrut tui tơlơi gơgrong bruă mơ̆ng ƀing đah kơmơi amăng bruă pơkra gơnam mơ̆ng hmua.
Hrơi jơnum jing hrơi kiăng lăi pơthâo djŏp tơlơi thâo, tơlơi pơmin pơčeh phrâo đah mơ̆ng pơtrut tui tơlơi gum pơgôp mơ̆ng ƀing đah kơmơi kiăng pơđĭ tui anŏ yôm, pơđĭ tui tơlơi dưi mơ̆ng ƀing đah kơmơi amăng bruă ngă hmua hăng nua gơnam phun mơ̆ng Việt Nam kah hăng braih, hơbơi prang, kơphê hăng tiu.
Ƀơi mông jơnum, ƀing khua hơmâo lăi nao tơlơi gơgrong bruă mơ̆ng ƀing đah kơmơi amăng pơđĭ kyar tiu hơđong ƀơi kual Dap Kơdư, pơblang 2 bruă kơsem min pơkra braih djơ̆ hăng ayuh hyiăng lŏn adai hơmâo tơlơi gum djru mơ̆ng ƀing đah kơmơi. Pô pơ ala kơ ƀing đah kơmơi ngă hmua Dak Lăk ăt lăi pơthâo mơn bruă pơđĭ kyar pơkra kơphê hăng hơbơi prang hơđong kơjăp.
Viết bình luận