Pơtum glăi 10 thun ngă tui Tơlơi pơtrun mrô 29 kơ pơplih phrâo tơlơi yôm phun, abih bang bruă pơtô hăng pơjuăt
Thứ bảy, 09:17, 16/12/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah tom brơi (14/12), Ding jum pơtô hăng pơjuăt pơphun jơnum Pơtum glăi 10 thun ngă tui Tơlơi pơtrun mrô 29 thun 2013 mơ̆ng Khul khua apăn bruă Ping gah tal 11 kơ “Pơplih hơdôm tơlơi yôm phun, abih bang bruă pơtô hăng pơjuăt, djơ̆ hăng tơlơi kiăng amăng rơnuk mă yua măi mok, pơplih phrâo tơlơi hơdip amăng hrơi mông tơlơi bơwih ƀong tui jơlan xã hội chủ nghĩa hăng mut hrŏm jar kmar”.
Pơhiăp klah čun mông jơnum, Khua ding jum pơtô hăng pơjuăt Nguyễn Kim Sơn pơsit, hơdôm boh than hơmâo ngă tơdơi kơ 10 thun ngă tui Tơlơi pơtrun mrô 29 brơi ƀuh tơlơi gir run mơ̆ng hơdôm ding jum, anom bruă gơnong dlông hăng hơdôm boh tơring čar, plơi pla. Jơnum tum pơƀut glăi hơmâo pơphun amăng hrơi blan hơmâo lu bruă ăt glăk hơmâo ngă mơn, hơmâo lu tơlơi aka ƀu giong. Yua hnun Ding jum pơtô hăng pơjuăt rơkâo Ding jum kơđi čar pơtrun Tơlơi tum pơƀut mơ̆ng Ding jum kơđi čar kơ bruă ngă tui dong Tơlơi pơtrun mrô 29 đah mơ̆ng pơplih phrâo tơlơi yôm phun, abih bang hăng pơđĭ tui anŏ klă bruă pơtô hrăm djơ̆ hăng tơlơi kiăng, bruă hơmâo jao amăng hrơi blan pơplih phrâo mơ̆ng lŏn ia.
Viết bình luận