Khua mua pơ ala mơnuih ƀôn sang dêh čar pơsit rơnoh pơkă pơđĭ kyar abih bang gơnam pơhrui glăi amăng dêh čar GDP kiăng hơmâo 10% pơngŏ, kiăng ngă atur kơjăp brơi rơnoh pơđĭ kyar hơđong kơjăp dua mrô črăn rơnuk phrâo. Hră pơtrun hơmâo lăi rơđah: Thun 2026yom biă mă yua pơphun jơnum ruah khua ping gah dêh čar tal XIV, jơnum ruah khua pơ ala mơnuih ƀôn sang dêh čar tal XVI laih anun ruah ƀing pơ ala mơnuih ƀôn sang djop gưl pơyŭ rơwang thun 2026-2031, jing thun pok pơhai akŏ bruă 5 thun tŏ tui dơ̆ng mơ̆ng thun 2026-2030, yak nao amăng rơnuk hrưn đĭ phrâo mơ̆ng dêh čar ta pơđĭ kyar pơdrong sah, hmư̆ hing kơ djuai ania.

Đing nao hlâo hloh lĕ, rơnoh pơđĭ kyar pơkă tui hnơ̆ng mă bruă hơđong bơwih ƀong huă, pel ĕp prăk trun nua, pơhlom tŭ yua anŏ ngă bơkơnar. Hră pơtrun anai ăt pơtong rơđah 15 tơhnal pơkă, amăng anun rơnoh pơđĭ kyar bơwih ƀong huă mơ̆ng 10% pơngŏ. Pơhrui glăi pơkă dưm dưm rim čô mơnuih kiăng hơmâo 5.400 đolar Mi sa thun. Mrô sang anŏ ƀun rin tui hnơ̆ng pơkă phrâo lu mơta hrŏ trun 1%....Kơ hơdră pơsir ƀing khua mua pơ ala mơnuih ƀôn sang dêh čar rơkâo brơi pơtrut tui rơnoh pơđĭ kyar hăng anŏ ngă hơđong tơlơi bơwih ƀong huă, pơgăn prăk trun nua pơhlom anŏ bơkơnar pơkra ming hăng sĭ mơdrô. Ngă hrŏm tong ten, tŭ yua hloh, beč bal plah wah jơlan hơdră prăk kăk hăng jơlan hơdră pơkŏn. Ăt ngă giong tơlơi phiăn pơdjơ̆ nao tuh pơ alin kơ bruă čar hăng mơnuih ƀôn sang, pơsir hĭ anŏ ngă kơđông, kơƀah pơtrut tañ mă yua prăk čan tuh pơ alin kơ bruă čar mơ̆ng akŏ thun mơtam thun 2026, biă mă ñu hơdôm kơčăo bruă yom, phun amăng dêh čar hăng jơlan hơdră tơhnal pơkă gưl dêh čar.