Jơnum lăng nao rai mơng ataih hăng hơdôm boh tơring čar, ƀôn prong ter hang ia rơsĭ. Tui lăi pơthâo mơng Ding jum ngă hmua hăng ayuh hyiăng, Ding jum hơmâo akŏ bruă pok pơhai pel ĕp ƀơi 15 boh ƀon lan phun mơng anai truh lơ 9/3/2026, hăng boh tơhnal hăng jơlan gah tong ten bơkơnar hăng EC amra pơphun pel ĕp ƀơi hơdôm boh ƀon lan. Laih dong, hơdôm boh tơring čar, ƀôn prong ter hang ia rơsĭ đing nao pel ĕp bruă pơgang mă akan hơdang IUU ƀơi ƀon lan, prap lui mă bruă hăng Khul pel ĕp tal 5 mơng Jơnum min kual Mi kô̆. Ding jum ngă hmua hăng ayuh hyiăng ăt brơi thâo, hơdôm măi mok djru brơi bruă pel ĕp bruă ƀattô hyu mă akan hơdang hơmâo pơhlôm ha amăng plĕ, pơlir nao rai.

Pơđut mông jơnum, Kơ-iăng Khua dêh čar ơi Trần Hồng Hà rơkâo djop Ding jum, gơnong bruă, ƀon lan pel ĕp glăi djop hră lăi pơthâo hơdôm boh tơhnal Jơnum min kual Mi kô̆ (EC) đing nao. Lăi pơtong dŏ 2 wŏt hrơi tơjuh dong grup pel ĕp mơng Jơnum min kual Mi kô̆ amra nao pel ĕp, Kơ-iăng Khua dêh čar rơkâo tŏ tui pok pơhai akŏ bruă pel ĕp kơ bruă ngă tui bruă jao pơgăn mă akan hơdang IUU, laih dong jao bruă tong ten brơi hơdôm boh ƀon lan amăng đơ đam dêh čar, pơlir hăng tơlơi glăm ba mơng djop Ding jum, gơnong bruă mơng gơnong glông.