Tui hăng akŏ bruă, jơnum lok anai sem lăng, pơsit hơdôm bruă mă  pơdjơ̆ nao pơphun bruă mă amăng kơnuk kơna, ruah khua mua pơprong Kơnuk kơna Lŏn ia; kơnang kơ bruă či sem hăng pơsit 9 tơlơi phiăn, hră pơtrun pơkă kơ tơlơi phiăn dêh čar; laih dơ̆ng pơčrong sai 5 khul bruă boh yom phun pơprong lăi nao kơ tơlơi bơwih ƀong huă-mơnuih mơnam, prăk kăk kơnuk kơna, jơlan hơdră kơnuk kơna djru, bruă krăp lăng hăng hơdôm mơta tơlơi yom pơkŏn....

Lăp đing nao, ƀing khua mua pơ ala mơnuih ƀôn sang dêh čar amra pơphun ruah khua pơprong, kah hăng ruah khua mir sir, khua dêh čar, khua git gai pơ ala mơnuih ƀôn sang dêh čar, hơdôm kơ-iăng khua pơ ala mơnuih ƀôn sang dêh čar, hơdôm kơ-iăng khua dêh čar, ding kơna amăng kơnuk kơna dêh čar hăng djop sang bruă amăng sang bruă khua pơ ala mơnuih ƀôn sang dêh čar. Him lăng jơnum lok anai amăng 11 hrơi, pơpha jing dua wơ̆t jơnum, pơphun jơnum hrơi blung a amăng lơ 6/4/2026 hăng pơđut jơnum amăng lơ 24/4/2026.