Amăng mông mă bruă, ƀing khua mua lăi pơtong nao tơlơi yôm mơng bruă pơphun jơnum. Anai lĕ tal dua jơnum đơ đam dêh čar kơ bruă krăo lăng mơng Ƀirô Khua pơ ala mơnuih ƀôn sang dêh čar hăng Jơnum min apăng bruă Khua pơ ala mơnuih ƀôn sang dêh čar hơmâo pơphun, tơlơi anai brơi ƀuh tơlơi đing nao amăng bruă pok pơhai krăo lăng mơng Ƀirô Khua pơ ala mơnuih ƀôn sang dêh čar hăng ba glăi boh tŭ yua sit nik, pơgôp hrưn đĭ klă dong, tŭ yua amăng bruă krăo lăng.

Đĭ pơhiăp amăng mông jơnum, ơi Vương Đình Huệ rơkâo Khua čih pioh Ƀrô Khua pơ ala mơnuih ƀôn sang dêh čar, Khua anom bruă Ƀirô Khua pơ ala mơnuih ƀôn sang dêh čar tŭ mă djop tơlơi pơgôp, prap lui tong ten, klă hloh bruă pơphun jơnum. Ơi Vương Đình Huệ lăi pơtong, jơnum kiăng lăng glăi boh than ngă tui jơlan hơdră krăo lăng thun 2023, mơng anun hơmâo tơlơi găn rơgao kiăng ngă tui tŭ yua ƀiă dong amăng thun 2024.