Hrơi kĭ hră pơkôl Hà Nội pơphun 2 hrơi, lơ 25 hăng 26/10. Lăi pơthâo glăi mơ̆ng Khul črâo bruă brơi thâo, truh ră anai hơmâo 93 grup khua prong, khua ding jum hơdôm boh dêh čar hrŏm hăng rơbêh 1.000 čô khua pơ ala, ƀing čih tơlơi pơhing phrâo jar kmar pơsit nao pơhmư̆ tom. Ding jum kông an hăng Ding jum pơtom hiăp hơmâo ngă hrŏm kjăp hăng Anom bruă sang gum hơbit djŏp dêh čar kơ pơgăn hot jrao ma túy hăng mơnuih ngă soh či čih pơkra jơlan hơdră hăng 8 tơlơi jơnum gah rơngiao dong, 38 wơ̆t bơkơtuai kiăo tui rim bruă phara, rơbêh 20 jơgăn gơnam ba pơdă.

Pơtum glăi ƀơi mông mă bruă, Khua mir sir lăi dlăm kơ anŏ yom amăng mông jơnum anai lơ̆m Việt Nam blung a pơphun kĭ hră pơkôl hrŏm mơ̆ng sang gum hơbit djŏp dêh čar, pơsit tơlơi hmư̆ hing, gơgrong bruă mơ̆ng Việt Nam amăng bruă ngă hrŏm hăng jar kmar kơ pơkơdong mơnuih ngă soh amăng plang internet.