Thun anai, 100 čô mơnuih mơdrô thun hlăk ai rơgơi mơbruă hơmâo pơpŭ bơni, amăng anun 10 čô mơnuih hmư̆ hing mă pri Pơtŭ Mriah - pri tơlơi pơčeh phrâo, rơgơi wai lăng hăng gum pơgôp kơ plơi pla. Biă ñu, Khul čŏm puang hơmâo tŭ ư rơkâo đĭ Khul hlăk ai Việt Nam sem lăng brơi hră bơni Pơtŭ Mriah thun 2025 kơ sa čô mơnuih bơwih ƀong mơdrô pơƀuh tơlơi pơmin pran jua kjăp, hrưn đĭ tơlơi tơnap tap, hơmâo bruă bơwih ƀong sĭ mơdrô tŭ yua, hăng hơmâo tơlơi gum pơgôp kơ mơnuih tơpuôl.

Hơdôm sang bruă mơdrô dong amăng TOP100 hơmâo prăk bơwih ƀong giăm 3 klăk klai prăk, pơhrui glăi rơbêh 310 rơbâo klai prăk, mơ-it prăk kơ kơnuk kwna giăm 21 rơbâo klai hăng djru brơi giăm 60.000 čô mơnuih hơmâo bruă mă. Hơdôm mrô anai pơƀuh tơlơi gơgrong nao hlâo mơ̆ng ƀing mơdrô thun hlăk ai amăng bruă tuh tia pơkra gơnam, prăk kăk, apui lơtrik, logistics, boh thâo ia rơgơi, pơtô hrăm, blơi gơnam hăng sĭ mơdrô lŏn, sang mơtah.