Abih tih mrô tuai čuă ngui lĕ 5,2 klăk wŏt, đĭ 1,5 wŏt pơhmu tui tơđar thun hlâo. Lơm anun, tuai mơng tač rơngiao giăm 100.000 wŏt, đĭ 3 wŏt. Abih tih prăk pơhrui mơng tuai čuă ngui truh 3.700 klai prăk, đĭ 2,5 wŏt pơhmu hăng thun 2024. Lu anih čuă ngui amăng tơring čar tŏ tui pơhưč lu tuai. Lu hloh lĕ ƀơi anih čuă ngui đang glai Măng Đen, hơdôm plơi pla bơwih brơi tuai čuă ngui kual Yŭ hăng čuă ngui ter hang ia rơsĭ, bul pơtâo gah Ngŏ hơmâo Lý Sơn, Sa Huỳnh, Mỹ Khê.

Bruă pơđĭ kyar kơtang tuai čuă ngui pơ Quảng Ngãi mơng bruă pok prong anih anom tơdơi kơ dưm dăp, djru tô nao rai klă hloh kơplah wah kual bul pơtâo gah Ngŏ hăng kual glai rưng, plơi pla gah Yŭ, pơjing glông tuai čuă ngui, anih čuă ngui djop mơta, pơhrua nao rai. Sit biă ñu, mơnuih ƀôn sang dưi mut hrŏm bơwih bơwang, tơnă hơbai gơnam ƀong, tơlơi ngui ngor hăng pơkra gơnam sô hơđăp, pơgôp djă pioh gru grua rah, đĭ tui prăk pơhrui, pơplih tơlơi hơdip mơda.