Hrơi anai, lơ 26/7, Ngă yang jôk mơyut h’ŭ glăi kơ ơi Nguyễn Phú Trọng ăt pơphun ƀơi sang ngă yang prong jôk mơyut gưl dêh čar mrô 5 jơlan Trần Thánh Tông, ƀôn prong Hà Nội, pơphun mơ̆ng 7 mông mơguah truh 1 mông či tlam. Mông ngă yang h’ŭ glăi kơ ơi Nguyễn Phú Trọng sit nik lĕ dưi pơphun lơ̆m 1 mông lơ 26/7/2024 ƀơi sang pioh jôk mơyut prong gưl dêh čar mrô 5 jơlan Trần Thánh Tông, ƀôn prong Hà Nội laih anun ngă yang nao pơyua atâo lơ̆m 3 mông tlam hrơi anun mơ̆n ƀơi pơsat prong Mai Dịch, ƀôn prong Hà Nội.

Khul khua mua pơphun bruă ngă yang jok mơyut gưl dêh čar kơ ơi Nguyễn Phú Trọng brơi thâo, mơ̆ng 7 mông mơguah truh 7 mông 30 mơnit tlam mơmŏt, lơ 25/7, hơmâo 1.560 grup khua mua, mơnuih ƀôn sang amăng dêh čar hăng tač rơngiao, ƀing pơ ala kơ djop anom bruă ping gah, kơnuk kơna, sang bruă mơnuih tơpuôl, djop tơring čar, plơi pla, anom bruă pơtom hiăp pơ ala djop dêh čar tač rơngiao,gơyut gơyâo mơ̆ng jar kmar mut nao čuă, jôk mơyut ƀudah mơ-it guang bơnga jôk mơyut hning rơngot hrŏm sang anŏ rơgŏm ơi Nguyễn Phú Trọng, ƀơi sang pioh ngă yang jôk mơyut prong gưl dêh čar mrô 5 jơlan Trần Thánh Tông, Hà Nội, ƀơi sang jơnum prong Thống Nhất, ƀôn prong HCM hăng plơi pla ơi Nguyễn Phú Trọng, plơi Lại Đà, să Đông Hội, tơring glông Đông Anh, Hà Nội.